Victor Toring Balaba
  • Sex: Male
  • Occupation: habal-habal driver
Incident Details
  • Date of Incident: October 26, 2018
  • City of Incident: Mandaue City
  • Province of Incident: Cebu
  • Killed by unknown assailants in public
Source(s)

DUHA ka mga tawo ang gipangpusil patay sa managlahing mga dapit sa Metro Cebu niadtong Biyernes, Oktubre 26 sa hapon ug kagahapon, Oktubre 27, sa buntag.

Sa dakbayan sa Mandaue, ang habal-habal driver nga gipusil-patay niadtong Biyernes sa hapon, ning bulana lang nakagawas sa Mandaue City jail.

Si Victor Toring Balaba, hingkud, taga barangay Opao, kinsa gipusil sa makadaghang higayon samtang sakay sa iyang motorsiklo diha sa may C.D. Seno, sa Barangay Tipolo.

Mga killer sakay usab og motorsiklo. Samad pinusilan sa ulo ug lawas ang naangkon ni Balaba hinungdan sa iyang kamatayon.

Matod ni Mandaue City Police Office director, Senior Supt. Julian Entoma nga niadtong Agusto tungod sa kasong pagpamaligya og ginadiling drugas napriso si Balaba.

Usa kini ka drug surrenderer niadtong 2016, apan giingong nibalik sa ilegal nga patigayon.

Anaa na kini sa ilang drug watch list isip high value target. Apan human nasikop ug nabalhug sa bilangguan, usa na unta kini sa ilang gitangtang sa listahan.

Human sa kamatayon niini niadtong Byernes, matud ni Entoma nga diha pa nila nasuta nga nakapyansa.

“Gitangtang na unta na nato sa listahan, kay napriso na. Wa ta kahibawo nga nakagawas na diay ni, hangtod nakadawat mi’g report sa shooting incident ug si Balaba ang biktima. Ato nasuta nga after nakapyansa, namaligya na sad ni balik, ug imbes sa Opao, sa Tipolo na sad ni nisuway og penetrate,” gitug-an ni Entoma sa Superbalita Cebu.

Gipatay sa silingan

Samtang, sa dakbayan sa Sugbo, 25 anyos nga habalhabal drayber gipusil patay sa iyang silingan.

Ang biktima giila nga si Gualberto Gabutan Jr., alyas “Kokoy”, 25, kinsa residente sa San Isidro, Buena Hills, Guadalajara st., Brgy Guadalupe.

Ang suspek giila nga si Glenn Lahay Lanurias, 30, kinsa silingan ra ni Gabutan.

Sa pakisusi sa Guadalupe Police nasayran nga naghuwat og pasahero si Gabutan sa maong dapit. FMDD & HBL