Fernando Abejuela
  • Sex: Male
Incident Details
  • Date of Incident: October 19, 2018
  • City of Incident: Cagayan de Oro City
  • Province of Incident: Misamis Oriental
  • Killed in police operation
Source(s)

CAGAYAN DE ORO CITY-Patay ang drug pusher suspect nga bag-ong laya sa prisohan human giingong misukol sa operasyon nga gihimo sa mga pulis sa Buena Oro, Upper Macasandig ning syudad kagabii.
Namatay sa buy bust operation ang biktima nga si Fernando Abejuela alyas Dominador Baptismo Camanian, residente sa Upper 20th, Brgy Nazareth ning syudad.
Matud ni Sr/Insp Mario Mantala, hepe sa Macasandig Police Station nga gawas nga drug pusher ang biktima, naila usab kini nga kawatan sa syudad.
Nakuha sa iyang posisyon ang granada, shabu, ug armas.
Si Abejuela ang ika-nwebe nga suspek nga gipatay sa kapolisan tungod sa giingong pagsukol samtang gipaubos sa anti-illegal drug operation.
Samtang giangkon ni Cagayan de Oro City Police Office o COCPO spokesperson Supt Mardi Hortillosa nga daghan pang drug pushers nga nalambigit sa pagbaligya sa shabu sa syudad.
Kini bisan sa gipalig-on nga kampaniya sa gobyerno batok sa illegal nga droga.
Si Hortillosa miingon nga ang pagpamaligya lamang sa droga ang sayon nga paagi sa pagpangita’g panginabuhian ug dako’g kita.
Una nang giangkon sa CoCPO nga dunay posibleng druglord personalities nga naglihok ning syudad.
Nagtoo si Hortillosa nga taas pa nga proseso ayha mahurot ang mga drug personalities sa tibook syudad.
Siya miingon nga hangtud magpabilin ang demokrasya sa nasud, gawas-sulod sa bilangguan ang mga dinakpan sa droga tungod sa due process nga gasundon sa korte.
Asoy pa niini nga bisan dismayado sila sa mga drug personalities nga makaggawas sa bilangguan, gipanganti niini nga magpadayon gihapon ang ilang kampaniya batok illegal nga droga.