“Dodoy”

• Alias: Dodoy
• Sex: Male

Incident Details

• Killed in police operation
• Date of Incident: May 9, 2021
• Location of Incident: Daet, Camarines Norte

Source(s)

• https://news.abs-cbn.com/news/05/10/21/high-value-drug-suspect-patay-sa-engkwentro-sa-camarines-norte

Patay ang isang tinaguriang high-value drug suspect matapos makipagbarilan umano sa mga pulis sa bayan ng Daet, Camarines Norte, Linggo ng umaga.

Ayon kay Police Brig. Gen. Jonnel Estomo, regional director ng Bicol Police, nagkasa ng joint entrapment at buy bust ang mga pulis laban sa suspek, Linggo ng umaga.

Target nila si alyas Dodoy na sinasabing notoryus na tulak ng droga sa Bicol at binansagan pang armed and dangerous ng mga pulis.

Bumili ang isang police poseur buyer ng droga sa suspek sa Barangay Gahonon, pero nang makaramdam ang suspek na pulis pala ang katransaksyon, nagpaputok umano ito ng baril na nauwi sa enkwentro.

Tinamaan ang suspek at dineklarang patay na ng medical team na rumespone sa lugar.

Nakuha sa lugar ng enkwentro ang baril, mga bala, at ang P30,000 na halaga ng hinihinalang droga na binili umano ng poseur buyer. — Ulat ni Jekki Pascual, ABS-CBN News