Romeo del Mundo
  • Sex: Male
  • Age: 42
  • Occupation: pedicab driver
Incident Details
  • Date of Incident: October 21, 2017
  • Time of Incident: 2:00 am
  • City of Incident: Lucena City
  • Province of Incident: Quezon
  • Killed by unknown assailants at home
Source(s)

NAGA CITY– Gadan an sarong padre de pamilya makalihis pagbbadilon kan dai pa nabibistadong suspetsado sa Purok 3A,Barangay Dalahican, Lucena City.

Binisto an biktima na si Romeo Del Mundo Jr, 42 anyos.

Sa nagunong impormasyon kan Bombo Radyo Naga napag araman na nakatukaw sana sa laog kan saindang harong si Del Mundo kan bigla na sanang mag abot an dai pa nabibistong suspetsado asin tulos pinagbabadil an biktima.

Huli digdi, nagsapo nin lugad sa manlaenlaeng parte kan saiyang lawas an biktima na tulos idinalagan sa ospital alagad ideneklarang dead on arrival kan mga doktor.

Meintrastanto, tulos man nagdulag an dai pa nabibistong suspetsado dara an badil na ginamit kaini sa krimen.
Sa imbestigasyon kan mga otoridad sa pinangyarihan kan krimen narekober digdi an tolong basyo nin kalibre 45 badil.

Sa ngunian, nagpapadagos pa an imbestigasyon kan mga otoridad sa nasambitan ng insidente para sa posibleng pagkakabisto kan nagdulag na suspetsado.