Reynaldo Alayon
  • Sex: Male
  • Age: 38
Incident Details
  • Killed in police operation in public
  • Date of Incident: November 6, 2018
  • Time of Incident: 1:30 am
  • Location of Incident: San Francisco, Agusan del Norte
Source(s)

BUTUAN CITY – Ipa-ilalom sa parafin test, drug test, autopsy og post morterm examination ang patay’ng lawas sa usa ka bag-uhay lang gitumbok nga drug pusher human napatay sa drug buy bust operation nga gilusad kaganinang ala-1:30 sa kaadlawon sa kapulisan sa San Francisco, Agusan del Sur.
Ka-uban sa operasyon ang mga sakop sa Philippine Drug Enforcement Agency kon PDEA-Caraga didto sa Purok 2, Brgy. 4 lungsod sa San Francisco.
Subject sa maong operasyon si alyas Rey nga sa kaulahi-an, nailhan nilang si Reynaldo Alayon, 38-anyos, taga-Brgy. San Vicente ning siyudad sa Butuan.
Sa eksklusibong pakighinabi ning sibyahan, gibutyag ni P/Supt. Bonifacio Estrella – hepe sa kapulisan sa maong lungsod, dugay na nila kining gipanid-an og dihang nakumpirmang nagpayuhot kini og ginadiling druga, ila gilayong gilusad ang operasyon.
Namatikdan matud pa ni Alayon nga pulis ang iyang katransaksyon nga poseur-buyer rason nga nakigpinusilay kini nga miresulta sa iyang pagka-igo hinungdan sa iyang kamatayon.
Nakuha gikan sa iyang posisyon ang upat ka gramo sa gidudahang shabu nga gibana-banang nagkantidad og 47-mil pesos, aluminum foil, cell phone diin makita ang binayluay nila og mga mensahe alang sa transaksyon apil na ang de-kalibreng armas nga iyang gigamit.
Gidugang pa sa opisyal nga usa sa mga persons of interest nila ang suspek sa maong lungsod kinsa mobile tungod kay kanunay lang kining mag-abang og kasak-an.
Target matud pa niining recruit-ton ang mga senior citizens nga himuong tulak og pag-abot sa panahon nga init na ang ilang modus, mupalurang kini og mubalik ra paglabay sa pipila ka mga buwan.