Nasruddin Balasid
  • Sex: Male
  • Age: 37
  • Occupation: PDEA asset
Incident Details
  • Date of Incident: November 18, 2018
  • City of Incident: Tantangan
  • Province of Incident: South Cotabato
  • Found dead
Source(s)

KORONADAL CITY- Nagapadayon sa gihapon ang imbestigasyon sang Tantangan PNP angot sa nasapwan nga mga bangkay sang 2 ka mga ginapatihan nga mga asset sang Philippine Drug Enforcement Agency.
Sa interbyu sang Bombo Radyo Koronadal kay PO2 Noel Tuban, imbestigador sang Tantangan Municipal Police Station, natumod na ang identity sang mga biktima nga sanday Joharis Canacan, 22 anyos kag Nasruddin Balasid, 37 anyos nga mga residente sang Brgy. Tina, Tacurong City.
Dugang pa ni PO2 Tuban, dako ang posibilidad nga ginhaboy lang kagab-i sa kahilamunan ang bangkay sang mga biktima sa bahin sang Brgy. Mangilala, Tantangan kun sa diin nakit-an sang isa sa mga residente kag gilayon nga ginreport sa PNP.
Sa inisyal nga imbestigasyon sang mga otoridad nag-angkon sang tig duha ka mga buno sa dughan ang mga biktima nga gintunaan sang ila gilayon nga kamatayon.
Suno naman sa iloy ni Canacan nga naglisensya suno pa kahapon ang bata sini nga may padulungan sila nga transaksyon kaupod si Balasid apang ginkakibot na lamang nila ang balita nga bangkay na sang masapwan ang mga ini.
Nahibaluan nga asset suno pa ang mga ini sang PDEA kag ginasiling nga may kaangtanan sa ila trabaho ang pagpatay sa ila.