Mario Fuertes
  • Sex: Male
Incident Details
  • Date of Incident: March 1, 2018
  • City of Incident: Polomolok
  • Province of Incident: South Cotabato
  • Killed in police operation in public
Source(s)

KORONADAL CITY – Yara na sa kustodiya sang mga otoridad ang 21 ka mga drug suspek matapos nga maaresto samtang duha naman ang ginbawian sang kabuhi sa ginpatigayon nga one time bigtime drug operation sa banwa sang Polomolok, South Cotabato.

Ginkilala ni South Cotabato Provincial Director PSSUPT Nestor Salcedo ang mga napatay nga sanday Ruben Porsuelo kag Mario Jamila Fuertes nga mga residente sang Brgy. Poblacion sa nasambit nga banwa.

Suno kay Salcedo, napatay kanday Porsuelo kag Fuertes matapos nga magbato sa operating team kun diin ang mga ini ang suspek man sa pagpatay sa deputy Police Chief sang Polomolok Police Station sang nagligad nga tuig.

Nakuha sa mga ini ang duha ka 38 revolber kag masobra napulo ka sachet sang ginapatihan nga shabu kag mga drug paraphernalia.

Samtang, ang 21 ka mga nadakpan ang nagikan sa Barangay Magsaysay, Lumakil, Poblacion, Silway 8 kag Rubber sang Polomolok.

Nahibaluan nga yara sa 125 ka mga search warrant ang ginpaguwa ni RTC 16 Judge Alandrex Betoya sang Kabacan North Cotabato batuk sa 34 ka mga indibidwal bangud sa paglapas sa RA 9165 Comprehensive Dangerous Drugs act of 2002 kag RA 9516 Law on Explosives.

Nakuha man sa mga suspek ang 3 rifle grenade, 2 granada mga sachet sang droga kag mga live ammunitions.

Kalakip man sa operation ang South Cotabato Provincial Police Office, Polomolok Police Station, Regional Public Safety Battalion, Regional Drug Enforcement Unit kag 27th Infantry Battalion.

Sa subong, ginapreparar na ang kaso nga ipasaka batuk sa mga naaresto nga suspek.