Erlex Doronio
  • Sex: Male
Incident Details
  • Date of Incident: September 17, 2017
  • City of Incident: Davao City
  • Province of Incident: Davao del Sur
  • Killed in police operation
Source(s)

Patay ang usa ka lalaki nga most wanted sa iligal nga droga sa area of responsibility sa San Pedro Police Station gumikan sa kasong dunay kalambigitan sa iligal nga droga human matud pa misukol sa kapolisan sa Barangay 76-A, Davao City kagabii.
Giila sa San Pedro PNP ang napatay nga si Erlex Doronio, alyas Leklek residente sa nasangpit nga lugar.
Sa imbestigasyon i-serve unta ang warrant of arrest sa kasong paglapas sa R.A 9165 o Comprehensive Dangerous Drugs Act of 2002 ngadto ni Doronio apan midagan kini dayon nagpabuto ngadto sa mga pulis rason nga kini gibalusan og pusil.
Gidala pa sa Southern Philippines Medical Center si Doronio apan nakabsan gihapon kini sa iyang kinabuhi gumikan sa nahiaguman niining tulo ka samad-pinusilan sa nagkadaiyang parte sa lawas.
Nakuha gikan sa napatay ang armas niining .38 revolver nga mao matud pa ang gigamit niini nga pagpusil sa mga pulis.
Nakuhaan usab og tulo ka pakete sa iligal nga droga si Doronio nga mukantidad og P3,500.
Sa kasamtangan gipahiluna na ang patayng lawas sa nasangpit ug padayon pa ang imbestigasyon sa kapolisan sa maong hitabo.