Cris Tamboboy
  • Sex: Male
Incident Details
  • Date of Incident: April 30, 2018
  • Time of Incident: 12:10 pm
  • City of Incident: Davao City
  • Province of Incident: Davao del Sur
  • Killed in police operation in public
Source(s)

DAVAO CITY – Gihaya na ang duha ka mga suspetsado nga mga tulisan nga mipakita ug pagsukol human nga ilang gikasangka ang kapolisan sa dakbayan dili pa lamang dugay sa Toril.

Usa sa mga napatay naila nga usa ka Cris Tamboboy, samtang wala pa maila ang lain pang usa.

Nasayran gikan kay police Chief Inspector Ronald Lao, hepe sa kapolisan sa Talomo PNP paboreto sa duha ka mga suspek ang pagpanulis sa Puan.

Namatikdan sumala pa sa mga silingan nga matag gabii manglakaw ang mga suspek ug sa pag-uli niini mamaligya na ug daghanan nga mga gadget.

Positibo nga giila ang mga suspek sa kinse anyos nga biktima gikan sa kanto Puan niadtong Biernes sa gabii, ingon man sa magti-ayon gikan sa Bago Gallera niadtong Sabado sa kaadlawon.

Sumala sa mga biktima gikan sa Bago Galler tulo ka mga lalaki nga sakay sa motorsiklo ang mitulis kanila ug ang duha mao ang nangamatay.

Sumala sa kapolisan sa Talomo nga misukol sa ilang gilusad nga manhunt operation ang mga suspek hinongdan nga nangapusilan kini.

Gisulayan pa sa kapolisan sa pagdala sa Southern Philippines Medical Center (SPMC) ang mga suspek apan gipangdeklara kini nga dead on arrival.

Narecover sa kapolisan gikan sa mga suspek ang Ipod ug cellphone sa mga biktima sa tulis, kalakip na ang lima ka mga sachet sa shabu, ug duha ka mga armas.

Nagpahimangno ang kapolisan ngadto sa publiko nga magmabinantayon ug likayan nga maglakaw nga mag-inusara labi na sa des oras na sa kagabhi-on.