Jerson Santa Rita

PULILAN, Bulacan – Patay ang isang pinaghihinalaang tulak ng droga matapos umanong manlaban sa mga pulis dito sa bayan, Biyernes.
Kakalaya lamang ni alyas Jerson sa kasong murder nang mahuli ito ng mga awtoridad sa isang buy-bust operation, sabi ng mga pulis.
Binentahan ni Jerson ang isang undercover na pulis ng P500 na halaga ng shabu at nang aarestuhin na ay biglang bumunot siya ng baril at pinaputukan ang mga pulis.
Nakuha mula sa namatay na drug suspek ang 10 sachet ng shabu at isang baril.