Ian Jabana

DAVAO CITY – Patay ang isang 24-anyos na lalaki matapos manlaban sa otoridad sa isinagawang drug buy bust operation ng mga personahe ng Sta. Ana PNP.
Nakilala ang napatay na suspek na si Ian Jabana, binata, at residente ng Brgy. 22-C Boulevard sa Davao City.
Sa imbestigasyon ng otoridad, bumunot umano ang suspek ng kanyang .38 revolver ngunit naunahan ito ng mga pulis kayat nagtamo ito ng maraming tama sa kanyang katawan.
Isinugod pa sa ospital si Jabana ngunit nalagutan na ito ng hininga.
Narekober din sa posisyon ng suspek ang iba pang mga pekete ng iligal na droga.