KORONADAL CITY – Patay sa pagpangluthang sang riding-in-tandem ang 2 katawo sa Brgy. Didtaras sa banwa sang Lambayong, Sultan Kudarat.
Sa impormasyon nga ginpalab-ot ni Bombo Correspondent Arnel Palada, ginkilala ang isa sa mga biktima nga si Brandon De Leon 20 anyos kag residente sang Sultan sa Barongis, Maguindanao.
Suno naman sa tag-iya sang tyangge, nagameryenda lang suno pa sanday De Leon pati ang 2 ka upod sini sang ginpalapitan sang naka-motorsiklo kag ginluthang patay.
Nahibaluan nga dead on the spot si De Leon kag ang wala pa natumod nga upod sini nga lalaki samtang nakapalagyo man ang babaye nga kaupdanan sang mga ini.
Sa karon, nagapadayon pa ang imbestogasyon sang Lambayong PNP kun ano ang motibo sa pagpangluthang sa mga ini.